Joke joke joke

Http?
Sakay sa 04C nga jeep. February 05, 2008. 6:00PM.
Duha ka mga pasahero ang nag-istoryahanay. Kusog kaayo ang mga tingog.
Girl: Unsa diay nang http?
Gay: Ha?
Girl: Http gud. Kanang naa sa internet. Di ba, ang www kay worldwide web man na?
Gay: Aw, uu. Ang http kay wa ra na uy! Char-char ra na.

To dream the impossible dream
Samtang nagsakay mi ug jeep sa akong classmates, kita mi sa billboard sa Convergys.
Classmate 1 (dako kaayo’g tingog): Haaaayyyy! Convergys! My dream car!!!
Classmate 2: Call center man na bai…

Dalagan!
Sayo sa buntag, namaligya mi ug sud-an kuyog ang uyab sa akong ate nga si Roel. Gidala pud namo ang among iro nga si Owdie.
Roel: Run, Owdie! Run so much!

May inuwi si nanay…si nanay…sa bahay…
Midterm exam in Problem Areas in Legal Ethics.
Professor (looking surprised to find the front row seats unoccupied): Why are you all sitting at the back? Is it for unethical purposes?
Student: Feng shui, Ma’am.

Intawn Sad Oi!
Samtang nagsamok-samok ang akong ig-agaw nga 3 years old.
Ako: Pahawa diha ‘tian, mokaon sa si ate.
Mama: Pahawa dayun diha kay naggunit ra ba si ate ug tinidor o!
Christian: Kaon ko tinidor!

Pwede!?!?!
While nag-open ug account sa bangko ang usa ka new customer, nangutana siya sa New Accounts clerk.
Customer: Pwede akong ibutang sa spouse, name sa ako uncle?

Hmmm…Interesting!
Nag-date ang Amerkano kuyog iyang uyab nga Bisaya.
Order sila’g pagkaon…
Girl: Honey, I dare you to eat that! (nitudlo sa ginabot)
Amerkano: What’s that?
Girl: That’s what you call ginabot.
Amerkano: What’s ginabot?
Girl (naglibog unsay english sa bituka): Uhm…that’s the…oh yeah! That’s the interestine of the pig!

Cheeky Chik Chik
Auntie: Day, e-text daw si uncle nimo, ingna padung na ta.
Girl: (Gikuha ang cell phone, dayon nitext) Ay auntie, COS na man ka.
Auntie: Ha?! Unsa?
Girl: COS ba, Chik Off na.

O.S.T.
Sa among T.H.E. class…
Teacher: Yes, I’m 3 months pregnant. So ayaw mo pabuyag.
Classmate: Unya Miss, nagpa-soundtrack na mo?